Nr. 17 ávextir og forboðin ást...

17 vikur.
Í dag útbjó ég fjólubláan dásemdardrykk og í kvöld sá ég loks Rómeó og Júlíu trylla lýðinn.
Ég sá það eftir á að drykkurinn var eiginlega vandræðalega mikið í stíl við kvelddressið*

Hugguleguheitin

Fimmtudagsboð til góðvinkonu*
Veðrið var svo mikið met að það var yndi að hjóla í boðið í útlandahlýjunni.
Gestgjafinn sýndi fram á snilli sína í tertuskreytingum og graslauksblómin heilluðu mig upp úr skónum. Þau smakkast líka alveg eins og graslaukur en ekki sápa eins og útlitið gefur til kynna.
Fagrir bangsaapar/dúkkur og engilfríður bræddu mig eins og fyrri daginn.

Sólgló

Miðvikudagurinn var svo glampandi sólríkur og góður.
Tilvalinn fyrir síðdegisstrandarferð.

Nr. 16, villiblóm og ógeðisdrykkur

Vika 16.
Einu sinni sáði ég fínum blómafræjum, hugsaði afar vel um þau og beið spennt eftir að útkomunni...sem varð villiblómið valmúi. Ég miskildi eitthvað myndina á pakkanum en varð engu að síður ofsa stolt.
Já og stundum verður maður að fá sér sellerí og gúrkudrykk sem er vonandi jafn hollur og hann er vondur til að jafna út bömmer yfir Aktu Taktu ostborgaratilboðskjammsi...hvað ég elska hamborgara!

Stefnumótarómans

Síðasta föstudag vorum við ástmaður í fríi án barna....tilefni til súzíátu myndi ég segja*

Bómullarbleikt...

Ég fékk boð í boð á laugardaginn....bómullarbleikt kvennaboð í tilefni kvennréttindadags og meistaragráðu.
Ég sogaðist að öllu því bleika og fagra sem umkringdi mig, sérstaklega kökunum.
Þekkti bara 3 í boðinu en hinar þekktust allar vel svo ég tók laumumyndir af þeim múhaa*

Glampandi gull

Ég hef ekki gengið með úr í mörg ár.
Fann aldrei það sem ég leitaði að og er enn að gráta fína úrið sem var í lokuðu búðinni í Baxe.
Nú get ég hætt að gráta því ég gróf upp gömul úragull frá mömmu og pabba (myndirnar gera þeim ekki alveg nógu góð skil vegna glampa)... fyrsta úrið er fermingarúr móður minnar.
Næsta mál á dagskrá er að finna úrsmið sem getur vakið þau til lífsins.

Nr.15 og jarðaber

Vika 15 og jarðaberin eru að blómstra.
Það hefur aldrei verið eins spennandi og gómsætt að borða jarðaber, við skiptum því örugglega í 10 bita.