Monday, December 31, 2012

Jólandi jólaandi

Smá af jólunum af því að það er alveg að koma nýtt ár.

Rangur misskilningur

Hreindýrahjörðin sem ég hélt að væri að finna í Húsdýragarðinum reyndist vera ein Regína.
Ég held því fram að ég hafi náð einstöku augnabliki með henni þegar við horfðumst djúpt í augu.
Hreindýrahvíslari kannski úr því að það eru engir höfrungar á Íslandi.

Loðið

Alein á göngu í Grasagarðinum og Húsdýragarðinum í byrjun desember,á afmælisdegi yngsta álfs sem komst loks á leikskóla. Ég nota árskortið vel og var í leit að efni í verkefni sem ég sýni jafnvel síðar. Mjög loðið alltsaman. Líka frískandi.
Það virðist hafa verið smá snjór í byrjun desember þó að ég hafi eiginlega verið búin að gleyma því.

Saturday, December 15, 2012

Verði stuð

 Fyrsta dag desembermánaðar héldu skyrtuklæddir bræður tvöfallt fjölskyldupartý í tilefni afmæla þeirra í nóvember og desember. Tjúllað stuð sem það nú var.

Wednesday, December 5, 2012

Uppblásið punt og prjál

Ég dröslaðist með þennan appelsínugula uppblásna asna yfir hafið.
Ég dýrka allskonar skraut og grímur enda nafn yngsta barnsins dregið af þeim (nokkurn veginn án þess að hafa spurt Eið Guðnason).
Það eru annars engin takmörk fyrir því hvað svona kallar til að leika með í kalló geta verið frábærlega lúðalegir.Hárgreiðslan, dressin og allt heila klabbið kallar á myndaþátt.
Æsispennandi,ég veit!