Monday, December 9, 2013

Úr fortíðinni

Annan dag Laugavegsgöngu í ágúst tók ég einungis myndir á útrunna filmu, bara svona til þess að róa mig niður og reyna ekki að taka myndir af öllu sem fyrir augun bar. Öll gangan var eins og þriggja daga hugleiðsla með örlitlu partýívafi.

Monday, December 2, 2013

Te og gúrka


Fínasta tehús í Brighton þar sem kóngafólkinu er gert hátt undir höfði en höfuð þeirra skreyta einmitt hvern krók og kima. Við fengum gúrku, laxa og eggjasamlokur án skorpu eins og fína fólkið sem reynir ekki á sig að óþörfu, ásamt te-i, heitum skonsum með rjóma og sultu og kökum í eftirmat.

Wednesday, November 27, 2013

Vinalegt


Brighton.
Doppótt hús, hjartalaga tyggjóklessa, rugguhestur á markaði, flögg, rafmagnslínur, gluggaskraut, dvergaskór, vinagjafir, fordrykkir og fleiri vinagjafir.

Lóðrétt

Eitthvað svona lóðrétt og litríkt í Brighton í september.

Tuesday, November 26, 2013

Sameining

Föstudaginn 13. september flugu 7 frá Reykjavík, 1 frá Kaupmannahöfn og 1 frá Barcelona, sameinaðar í Brighton að gera sér glaðan dag. Mjög glaða daga.
Ég tók ekki margar myndir en matur virðist hafa heillað mig fyrst um sinn en ekki eingöngu.Tók ekki myndir af allskonar skemmtilegu en matinn á ég í einhverju magni. Ætla sumsé að muna þetta skemmtilega og eiga myndir af matnum...ég er ekki með Instagram.

Monday, October 28, 2013

Smáralindin

Þetta sumar hef ég fundið fleiri fjögurra blaða smára en ég hefði nokkru sinni trúað að væru til og alla nema einn í garðinum mínum.
Í júní fann ég þann fyrsta á leið minni í gegnum garðinn. Nokkrum dögum síðar átti ég aftur leið um garðinn að sækja Grím á leikskólann, þá fann ég fjóra og fannst græðgi að leita að fleirum í bili. Ég benti þó Funa og frændum hans að litast um eftir fleirum. Þeir fundu 10 til viðbótar þennan sama dag!
Einhver benti mér á að vegna hlýnunar jarðar væri orðið meira um fjögurra blaða smára og má það vel vera. Sá hinn sami benti á að 5 laufa smári væri hinn nýji lukkusmári.
Í júlí fann ég 5 laufa smára í garðinum. Nokkru síðar fann ég enn einn fjögurra laufa smára.
Í ágúst var ég að taka myndir og leit niður og fann þá fjögurra laufa smára ágústmánaðar.
Á afmælisdaginn minn í september fann ég svo síðasta smárann.
Fleiri smárafundir hér og hér.
Ég vona sannarlega að fjögurra laufa smári sé ennþá lukkusmári og trúi því þar til annað kemur í ljós.