Fljótandi

Í tilefni af mæðradeginum eru hér fleiri myndir af mömmu í sundi.

Tipp topp

Það koma alltaf afmæli inn á milli og þá er venjan að vekja afmælisbarnið með "óvæntri" afmælisveislu sem allir bíða æsispenntir eftir. Ég endaði í Hagkaup í Skeifunni klukkan 2 þar sem hjartastráðir kleinuhringir og nammilegar kökur björguðu mér fyrir horn.
Elsti fjölskyldumeðlimurinn beið svo með öndina í hálsinum eftir árlegu skrúðgöngunni en ekki eins spenntur og yngsti sem vaknaði klukkan 6 og þurfti að bíða í nokkra klukkutíma eftir að fá að hefja glensið. Muna að minnast ekki á svonalagað aftur við hann í bráð.

Sundmamman

Móðir mín hefur stundað laugarnar í tugi ára.
Ég fékk að fylgja henni föstudag nokkurn í apríl eftir að ég lofaði starfsfólki sundlaugarinnar að ég tæki eingöngu myndir af mömmu...já eða pörtum af henni.

Sirkus

Karnivalstúlkan er komin í vorskap og skiptir yfir í lit.

Salí

Páskarnir eru salíslök týpa. Þá er nauðsynlegt að kíkja í sumarbústað og hitta fullt af skyldmennum elskhuga míns af öllum stærðum og gerðum og spila, leika, lesa og slaaaka.
Á Páskadag er ómissandi að skella sér í páskaeggjaratleik sem verður metnaðarfyllri með hverju árinu sem líður. Nú voru vísbendingarnar m.a. faldar ofan í klósettinu, krakkarnir svöruðu gátum, leystu misflóknar vísbendingar,sungu lag fyrir langömmu sína, púsluðu saman korti og dönsuðu hókí pókí til að vinna sér inn súkkulaði.

Róleguheitin

Dag einn þegar minnsta barnið svaf og systir hans var ekki heima fékk Funi að baka og njóta sín aleinn.
Hann bjó líka til nútímalistaverk úr því sem hendi var næst og leyfði mér að mynda þau þegar hann hafði bent mér á besta sjónarhornið.

Spegill

Grímur vill gera allt eins og stóri bróðir sinn...allt.