Tuesday, March 24, 2015

Flóra

Ég pukraðist baksviðs og tók myndir þar og ofan frá af frumsýningu á nýjustu línu Hildar Yeoman, Flóru 12. mars í Vörðuskóla.
Seiðmögnuð galdrasýning uppfull af trylltum dansi, tónlist og allskonar fínum konum sem kunnu að gæða fötin lífi.
Lýsing á línunni:
"Flóra er innblásin frá dulmagnaðri og kraftmikilli orku sem finnst í náttúrunni. Þar vaxa grös, jurtir notaðar til að útbúa seiði sem búa yfir lækningarmætti en þau má einnig nota til að öðlast andlegan styrk eða til að tæla hjartað. Hildur kynntist seiðkonu og með henni þróuðust jurtablöndur sem koma fram í prentunum. Línan er einnig innblásin af sterkum kvenfyrirmyndum í bland við galdra."

Saturday, February 21, 2015

Hauslaus

Miðjubarnið sá um að gleymast ekki þennann öskudaginn. Á meðan systkini hans voru með lágstemmdari óskir um pönkara og indjána lét hann sig dreyma um að vera maður sem hélt á hausnum á sér. Verandi sökker fyrir draumum og búningaveseni, lét ég til leiðast á síðustu stundu og sá ekki eftir því.
Það  var mjög hamingjusamur hauslaus maður sem vaggaði um þann daginn ásamt sterkasta manni í heimi.

Tuesday, February 17, 2015

Namaste

Fjögurra ára Funabarn úr fortíðinni minnir á mikilvægi þess að kjarna sig.
Þó að hann hafi verið með æstara móti sjálfur á sínum fyrstu árum átti/á hann alltaf auðvelt með að finna innri frið...inn á milli.

Wednesday, February 11, 2015

Febrúar...

Ég hef alltaf kunnað frekar vel við febrúar. Þessar eru teknar í byrjun febrúar þegar sólin skein.
*Blómin soltin í smá birtu og teygja sig í áttina að glugganum.
*Ég lét skera speglaform fyrir mig og límdi á ganginn.
*Ætlaði að hafa lifandi dagatal á krítarveggnum en það fraus mánudaginn 2. febrúar.
*Blómin eru glaðari með febrúar.
*Í febrúar fékk ég mér bleika peysu og setti upp lukkuhálsmenin. Vona að þau virki.

Thursday, January 29, 2015

Litalega

Litir úr símanum í tilefni bjartari daga.
*Flöskurnar í Norræna húsinu.
*Diskódansandi vöðvaleikföng.
*Litrík sápa á bílaþvottastöð.

Friday, January 23, 2015

Sama en samt ekki...

Ævintýralegi miðjudrengurinn átti 8 ára afmæli í nóvember. Í tilefni af því fannst mér við hæfi að útbúa indjánagjörning honum til heiðurs. Ég eiginlega krafðist þess af því að mig langaði svo að prófa að gera indjánatjald. Hann hefði verið ánægður með hvað sem var. Ég sá eftir þessari kröfu af minni hálfu þegar ég var að klessa kökunni saman kl. 2 um nótt. Það fór betur en á horfðist og ég hef lúmskt eða ekki svo lúmskt gaman af svona rugli.
Alltaf sama kakan í mismunandi búningi, líka hér, hér, hér og hér....

Monday, January 19, 2015

Nær...


Janúar er ennþá hér og þessar símamyndir eru einmitt teknar á öðrum degi ársins. Næstum því í rauntíma. Það var annars óendanlega fallegt veður þennan dag og ég komst varla úr sporunum því ég var svo upptekin við að reyna að fanga fegurðina. Það tekst aldrei alveg. Við vorum líka mjög upptekin af því að gefa kanínunum. Það tekst alltaf.