Tuesday, November 8, 2016

..........


Í fyrsta skiptið sem yngsta barnið bað um búning sem innihélt vel af andlitsmálningu og vonandi ekki það síðasta.Ég hef aldrei á ævinni málað eins kyrrt barn. Miðjudrengur var ekkert í andlitsmálningunni þetta árið en þeim mun blóðugri og alltaf til í að búningast alla leið.




Thursday, November 3, 2016

Gott stunt í New Jork














Ég læt eins og ekkert sé og byrja bara einhvers staðar.
Í byrjun maí átti ég til dæmis gott stunt með ástmanni í New Jork í tilefni af 40 árum eiginmanns.
Sami maðurinn.
Mjög gott og gaman.

Monday, March 30, 2015

Gulnað

Gulur dagur í vinnunni á föstudaginn. Best er að fara alla leið.
Einn nemandi mætti í gulu frá toppi til táar, fékk að stíga á stokk með frumsamið lag um sjálfa sig í gulu og kom með hálfa sítrónu í nesti. Ekkert miðjumoð í boði þann daginn.

Tuesday, March 24, 2015

Flóra

Ég pukraðist baksviðs og tók myndir þar og ofan frá af frumsýningu á nýjustu línu Hildar Yeoman, Flóru 12. mars í Vörðuskóla.
Seiðmögnuð galdrasýning uppfull af trylltum dansi, tónlist og allskonar fínum konum sem kunnu að gæða fötin lífi.
Lýsing á línunni:
"Flóra er innblásin frá dulmagnaðri og kraftmikilli orku sem finnst í náttúrunni. Þar vaxa grös, jurtir notaðar til að útbúa seiði sem búa yfir lækningarmætti en þau má einnig nota til að öðlast andlegan styrk eða til að tæla hjartað. Hildur kynntist seiðkonu og með henni þróuðust jurtablöndur sem koma fram í prentunum. Línan er einnig innblásin af sterkum kvenfyrirmyndum í bland við galdra."

Saturday, February 21, 2015

Hauslaus

Miðjubarnið sá um að gleymast ekki þennann öskudaginn. Á meðan systkini hans voru með lágstemmdari óskir um pönkara og indjána lét hann sig dreyma um að vera maður sem hélt á hausnum á sér. Verandi sökker fyrir draumum og búningaveseni, lét ég til leiðast á síðustu stundu og sá ekki eftir því.
Það  var mjög hamingjusamur hauslaus maður sem vaggaði um þann daginn ásamt sterkasta manni í heimi.

Tuesday, February 17, 2015

Namaste

Fjögurra ára Funabarn úr fortíðinni minnir á mikilvægi þess að kjarna sig.
Þó að hann hafi verið með æstara móti sjálfur á sínum fyrstu árum átti/á hann alltaf auðvelt með að finna innri frið...inn á milli.

Wednesday, February 11, 2015

Febrúar...

Ég hef alltaf kunnað frekar vel við febrúar. Þessar eru teknar í byrjun febrúar þegar sólin skein.
*Blómin soltin í smá birtu og teygja sig í áttina að glugganum.
*Ég lét skera speglaform fyrir mig og límdi á ganginn.
*Ætlaði að hafa lifandi dagatal á krítarveggnum en það fraus mánudaginn 2. febrúar.
*Blómin eru glaðari með febrúar.
*Í febrúar fékk ég mér bleika peysu og setti upp lukkuhálsmenin. Vona að þau virki.