Þegar...

Þegar frænkurnar gistu eftir jól og ég svaf út og þau byggðu hús og snjórinn kom og amman bakaði pönnukökur og hitaði kakó og litla frænka mín lék sér í eigin heimi í búningi að eigin vali.
Ljúft.

Strætó og gulur,rauður,grænn og blár

Á laugardaginn tókum við strætó niður í bæ, vopnuð regnhlífum og röltum bæinn þveran og endilangan í góða veðrinu með enga kerru.
Ótrúlegt hvað litlir hlutir geta glatt mikið.

Góður siður

Á hverju nýju ári hittast gamlir vinir í heimahúsi og borða við langborð í margar klukkustundir samfleytt.
Einn réttur á mann (par) og metnaðurinn að fara með mannskapinn.
Við kláruðum að borða um eittleytið og glensuðum svo aðeins eftir það.

Sykur

Á öðrum degi jóla*
Fugl í tré fyrir utan gluggan.
Ég ætlaði að búa til skraut á jólakjólinn hennar Sölku sem endaði sem hárband.
Fínu glimmerskórnir sem jólasveinninn gaf í.
Náttskyrta sem Siggi frændi gaf mér þegar ég var þriggja eða fjögurra...ég vildi að ég vissi hvar buxurnar væru.

Uppbyggilegt

Mamma mín hefur geymt kampavínskorktappa ásamt nokkrum venjulegum í skúffu í eldhúsinu í mörg ár.
Ég man eftir að hafa rekist á þá í gegnum tíðina þegar ég var að leita að bréfaklemmum,gúmmíteygju,eldspýtum eða öðru sem er geymt í "svoleiðis" skúffu.
Engum datt nokkru sinni til hugar að henda þeim en enginn notaði þá heldur.
Það var ekki fyrr en nú fyrir jól að ég skyldi raunverulegan tilgang þeirra.
Ekkert er tilgangslaust*

Látlaus afhöfn

Piparkökuhúsið sem Salka skreytti fagurlega hjá ömmu sinni og afa var brotið við látlausa athöfn með rósóttum hamri á milli jóla og nýárs.Í þetta sinn var það ekki rykfallið og var etið fljótt og örugglega af 4 frændsystkinum og forráðamönnum.
Við eigum ennþá eitt ósamsett og óskreytt sem gæti vel verið slakandi janúar verkefni.
Ég bíð eftir að metnaðurinn segi til sín.

"Mín von og trú"

Gleðilegt nýtt ár...2010!
Ég bind miklar vonir við þig kæra ár eins og þau sem á undan hafa komið en manstu þú ert tía?...þannig að*
Stjörnuspáin segir líka að ég eigi "mikilvægt ár í vændum, ég verð reiðubúin að taka rækilega til í lífi mínu og beina sjónum að gæðum í stað magns (það er nú reyndar ekki ég),tækifæri til að venda mínu kvæði í kross og byrja upp á nýtt þar sem það er nauðsynlegt" og sitthvað fleira sei sei já. Viðbúnar vogir?
Hvað sem stjörnum ,speki og spá líður þá er ég er í það minnsta ótrúlega spennt og tek árinu fagnandi og viðbúin,tilbúin...einn,tveir og byrja!