Á sokkunum...

Eitt sinn breytti ég 3 hvítum sokkapörum í gula, bláa og bleika sokka*
Líka hér.

Allt í plati

Hallgrímskirkja fær mig svo oft til að hugsa um bókina Allt í plati og atriðið þegar gamli kirkjuvörðurinn hékk á skegginu í klukkuvísunum....

Snúðar með súkkulaði

Eitt það besta við fæðingaorlofið er að eiga stóra og smáa vini sem nenna að hanga með manni og drekka kaffi og borða súkkulaðisnúða... í fyrsta skiptið á ævinni.

Heilagar leifar

Veisluleifar eru skemmtilegri en aðrar leifar. Sérstaklega blómin og kökurnar.
Vígða vatnið er svo alltaf plús*

Laugardagur til lukku

Laugardagsskírn var eitthvað svo góð hugmynd.
Þá er t.d. hægt að halda hvíldardaginn mjög svo heilagan og borða afganga frá morgni til kvölds.
Skírnin fór mjög svo vel fram og kisi litli getur nú farið að sigra heiminn í eigin nafni. Uppáhaldið mitt var þegar bróðir hans söng einsöng og ég fór að skæla af einskærri fegurðarhrifningu.
Kökurnar voru á skalanum hádramatískar á rósabeði niður í kitchí plastfígúrur og muffins í gervi Tobbu Marínós, kvíðasjúklinga, kalla með yfirgreidda skalla og kanína með yfirvaraskegg. Hugmyndin var að gera einhverskonar bangsa fyrir krakkana en svo fór sem fór og þau borðuðu þetta samt með bestu lyst.

Rúmlega vaxandi

Lillinn sívaxandi er rúmlega 6 vikna, 60 cm og rúm 6 kíló.
Þessi mynd er 3 vikna gömul og skýjagallinn minnkar með hverjum deginum sem líður*

Batman gerði það!

Föstudagar verða einhvernveginn oftar pizzudagar en aðrir dagar.
Salka gaf bróður sínum Batmanskikkju sem hún hafði útbúið í skólanum og þar af leiðandi varð að mála hann eins og leðurblöku. Leðurblakan var svo skoluð burt og teknar upp frjálsari aðferðir.

Gott gengi

Vagnarölt og kaffispjall með góðvinkonu.
Fórum að vísu ekki á þetta kaffihús en mér fannst litirnir svo fínir.

Elvis og félagar

Afmælisfögnuður frábærs frænda sem á sama afmælisdag og Elvis, David Bowie og nú síðast dönsku tvíbbarnir. Það skal því engan undra snilligáfu þessa unga drengs sem finnst tölur og tækni eitt það magnaðasta í heimi hér.