Teboðið

Þegar allir höfðu faðmað og kysst verðandi brúður var hún leidd í teboðið sitt, sem fór fram undir berum himni.
Þar voru bornar fram ljúffengar og heimagerðar veitingar og te drukkið með.
Reynd tespákona var á staðnum og hún tók að sér að spá í telaufin í hjá hverjum og einum. Brúðurinn fékk fyrstu spána sem hefði ekki getað verið fallegri þó hún reyndi...björt framtíð og allt í blóma þar. Margir fengu mjög svo djúpa spá sem nánast leysti lífsgátuna og kom með svörin á silfurfati.
Það er því ekki laust við að maður hafi svitnað aðeins á efri vörinni þegar hún kíkti í bollann.
Mín spá var hins vegar mjög grunnhyggin...það var bara allt morandi í partýum og fólki að dansa og kyssast næstu fjóra mánuði...svo verða hlutirnir eitthvað flóknari skildist mér. Ég hafði það á tilfinningunni að hún væri ekki að segja mér allt, hefði séð eitthvað hrikalegt og væri að segja mér að njóta lífsins á meðan ég gæti.
Ég er mjög dramatískur svipbrigðalesari.
Hvað eru mörg te í því?