Aðeins meira en brauð

Á föstudaginn síðasta fór ég ásamt ástmanni á stefnumót.
Við fórum á Brauðbæ og fengum okkur aðeins meira en brauð.
Amerísk hjón á næsta borði sem héldu að við skildum ekki ensku, komu reglulega með frábærar fullyrðingar um Ísland og okkur. Við pössuðum okkur að koma ekki upp um okkur með enskuslettum og skemmtum okkur konunglega. Þau voru týpurnar sem stoppa á Íslandi í 10 mínútur en tala um það af svo mikilli sannfæringu og "visku"að það gæti allt eins hafa verið 10 ára stopp.
Þau voru í það minnsta yfir sig ánægð með matinn og gáfu honum toppeinkunn...þar gátum við verið sammála.

Niður

Þegar ég var krakki á leið í skólann þá horfði ég alltaf niður fyrir mig alla leiðina.
Bæði af því að ég var sjúklega feimin en líka af því ég var svo upptekinn að fylla alla vasa af áhugaverðu "drasli" sem varð á vegi mínum.
Ekki gleyma að horfa niður...

Svona dagur

Dagur fyrir eitthvað hlýtt, mjúkt og sætt...

Ennþá...

Það er ennþá haust..í smástund í viðbót.

Fínerí og fleira

Ég tók myndir af fataskáp Berglindar Óskarsdóttur í bland við annað fínerí á heimili hennar um daginn.
Glæsileg stelpa með flottan stíl.
Sjáið betur hér.

Töfrastund

Sunnudagurinn síðasti var einn sá fegursti í manna minnum.
Sólin, hlýjan, haustlitirnir og talan 10.10.10 á dagatalinu. Eins og þetta væri ekki nógu magnað þá fæddi ein af mínum uppáhalds, galdrastelpu þennan dag kl. 11:11 og framkallaði eilífðargleðigæsahúð.
*Töfrastund*

Dúskadásemd

8 ára frænka mín útbjó þennan dásamlega óróa og gaf mér í afmælisgjöf um daginn.
Hún tók fram að hann væri líka handa litla barninu.
Ég er svo yfir mig glöð með hann og dáist að honum á hverjum degi*