Grallaraspóar

Ég tók þessar myndir í herbergjum þriggja systkinasnillinga.
Endalaust af fallegu og fínu að skoða.
Meira hér.

Rjómakaffi

Ég kíkti aftur í rjómakaffi til galdramæðgna.
Súpa, te, kaffi, súkkkulaði og rjómakaffi.
Svo hlýtt og notalegt að ég gleymdi stund og stað í orðsins fyllstu merkingu*

Skókassaherbergi til að dunda sér við.

Fullkomnun

Í síðustu viku hélt Austurbæjarskóli upp á 80 ára afmælið sitt.
Af því tilefni var sett upp sýning á verkefnum og vinnu nemenda ásamt kennslugögnum frá upphafi.
Þegar ég steig inn í leikfimisalinn missti ég andann af hrifningu.
Þar voru meðal annars eldgömul kort og skýringarmyndir úr náttúru og líffræði. Litirnir, áferðin, myndefnið....fullkomnun!

Nr. 34 flassarafrakki og skuggalegar ýkjur

Vika nr. 34 og allt í einu finnst mér tíminn líða svo hratt.
Ég keypti þennan frakka á 1000 kr. fyrir nokkrum árum í Rauðakrossbúðinni. Hann hékk bara inni í skáp í mörg ár og ég pældi stundum í að lita hann og/eða stytta en endaði svo með því að klæðast honum nákvæmlega eins og hann er. Hann er mjög klæðilegur þó svo að það sjáist ekki sem best þegar ég er í þessu ástandi*
Hver hefði svo trúað því að skuggi bætti á mann 20 kílóum?

Aðeins meira en brauð

Á föstudaginn síðasta fór ég ásamt ástmanni á stefnumót.
Við fórum á Brauðbæ og fengum okkur aðeins meira en brauð.
Amerísk hjón á næsta borði sem héldu að við skildum ekki ensku, komu reglulega með frábærar fullyrðingar um Ísland og okkur. Við pössuðum okkur að koma ekki upp um okkur með enskuslettum og skemmtum okkur konunglega. Þau voru týpurnar sem stoppa á Íslandi í 10 mínútur en tala um það af svo mikilli sannfæringu og "visku"að það gæti allt eins hafa verið 10 ára stopp.
Þau voru í það minnsta yfir sig ánægð með matinn og gáfu honum toppeinkunn...þar gátum við verið sammála.