Settlegt

Jólaborðhaldið var mun æstara en þessar kyrralífsmyndir gefa til kynna og það voru líka hnífapör.

Perró

Pakkapervertinn komst á stjá og gæti hugsanlega verið of náin einangrunarlímbandinu sínu eftir þessi jól...dúskarnir hafa í það minnsta fengið verðugan keppinaut.
Meira jólapakk hér og hér.

Halelúja

Helgilegur leikur kom mér í hátíðarskap.

Húrra x 1 og 5!

Daginn eftir 1.afmælisdag gússa litla var blásið til bræðraafmælis.
Í marga mánuði hafði herra Funheitur verið fullviss um hvernig afmælisköku hann dreymdi um. Það var þríhöfða fjólublár dreki sem spúði eldi...auðvitað! Ég varð fáránlega spennt og teiknaði upp mynd sem afmælisbarnið samþykkti. Á síðustu stundu fékk hann valkvíða og vildi hætta við kökuna og fá fjall í staðinn. Ég tók fjallinu fagnandi enda komin í blússandi tímaþröng með alltsaman.
Ég útiloka þó ekki eldspúandi fjólubláa þríhöfðann í framtíðinni...

Jólandi

Laugardag einn þegar við nýttum okkur deig úr gulu og bláu búðinni og stungum út piparkökur úr ágætis safni af formum.

Róandi

Hangandi pappi og hekl.
Snjókorn má til dæmis finna hér.

Skreytum...

Allskonar dóti hrúgað á diska og bakka.
Finnst eins og það hafi gerst áður. Jólatréð var teipað á vegginn með einangrunarlímbandi sem er eiginlega besti vinur minn...líka hér.