Rjómabollubúgí

Á sunnudegi fyrir bolludag er ávallt tekið forskot á bollusæluna og hann fer að mestu í bakstur og bollukjamms.
Ég er fáránlega mikill bolluaðdáandi, fyllist metnaði á þessum árstíma og finnst skylda að borða eins mikið af bollum og ég get í mig látið.
Krakkarnir fengu að setja á sínar eigin bollur og ég er ekki frá því að sonur sæll hafi verið spenntari fyrir bolluumstanginu heldur en jólunum og afmælinu sínu til samans...næstum því.
Og hvað eru margar bollur í því?

Litasamsetningainnblástur

Fann þessar myndir sem ég tók af sokkum í Kisunni og KronKron í maí á síðasta ári og hugsaði enn og aftur hvað litir eru góðir vinir mínir.

Te fyrir tvo

Þegar sonur minn og bróðurdóttir hittast þá leika þau sér svo fagurlega að það er unun á að hlýða og horfa. Draumar um köngulóaapa og herofactory kalla víkja samstundis fyrir fallegum teboðum, veitingahúsaplönum að ógleymdum Mjallhvítarleiknum góða sem er orðinn ómissandi partur af lífi þeirra beggja.

Leður, Martini og confettiglimmerglens

Samkoma með góðum mannverum þar sem óvenju hátt hlutfall gesta klæddist leðri af einhverju tagi og flestir drukku úr Martiniglösum þótt fæstir drykkju Martini úr þeim og það rigndi confetti fram á nótt...best***

Eðlulegt

Heimsókn á skriðdýrasýningu í garði húsdýranna.
Vísindatjaldið slær svo alltaf í gegn þrátt fyrir að vera semí sjúskað.

Uppáhalds...

Plötuspilarinn er í miklu uppáhaldi þessa dagana og drengurinn veit fátt notalegra en að liggja og hlusta á plöturnar sínar í góðu glensi.
Pabbinn gaf apaskottið Jakob, gíraffan fékk hann frá frænkugulli og góðvinkonur gáfu óróan fyrir rúmum sjö árum og öll börnin hafa dýrkað hann jafnmikið. Bróðir minn átti teppið sem er rúmlega 35 ára gamalt og mér finnst litirnir svo fínir.