Undir regnboganum

Föstudagurinn 13.
Átti pantaðan tíma hjá lækni í dag...bara laust þennan dag og ég man ég hugsaði, fjárinn ekki þennan dag! Held samt að ég sé ekkert mjög hjátrúafull..bara þetta týpíska að banka í við ef ég segi aldrei, ekki labba undir stiga og svoleiðis smotterí. Reyndar aðeins meira en það og skrýtnara, en samt.Ég var ekkert hrædd í dag af því að ég sá heilan regnboga og keyrði undir hann. Fann svo fínustu vínilleikföng á slikk, fór ásamt fjölskyldu á myndlistarsýningu hjá tengdaföður og okkur var boðið í heimagerðar pizzur hjá frábæru fólki.
Allt undir regnboganum og ekki vitund ólukku.

Hetjur

Á heimili móður minnar leynast ýmsir gullmolar sem gaman er að grufla í og leika með.
Í minningunni er He-Man aðalmaðurinn og ég fór oft í heimsókn til nágrannavinar míns að leika í He-Man kastalanum hans sem var svo miklu meira spennandi en Barbí.
Þekkti hann samt enginn þegar hann var kominn úr að ofan, svona eins og þegar superman Clark tekur af sér gleraugun? Klassík.
Donkí kong ,Mario Bros og Pac-Man styttu manni ófáar stundir og það endaði með því að bræður mínir voru svo elskulegir að gefa mér Nintendo tölvu í jólagjöf þegar ég var 14 ára...en ekki áður en þeir höfðu prófað hana vel og vandlega og týnt leikjunum sem fylgdu með. Hetjurnar mínar.
Smá upprifjun og boðskapur ;)

Bláar myndir

Allar ljósbláar nema ein.
Plastið er frekar vinsælt í skólanum og krakkarnir fá ekki nóg af snúningseyrnalokkunum sem þau gefa mömmum sínum, vinkonum,frænkum og sjálfum sér. Sorrí mömmur, tek þetta á mig en hvað getur maður sagt þegar hjartabræðandi bréf fylgja með: "Elsku mamma þetta eru einstakir eyrnalokkar sem ég gerði bara fyrir þig og ég lét alla mína ást í þá.
Þinn..."
Draumur í dós.

Fyrsta

1 árs afmæli hjá lítilli vinkonu og öllu tjaldað til.
Pabbinn er bakari og það er óhætt að segja að hann hafi staðið undir væntingum með skrilljón tegundir af dásemdarkökum og heimsins stærstu muffins. Mikið gaman og gott,gott,gott.

Æðisgengið á köflum

Eins og það er gaman að hafa nóg að gera, getur verið alveg jafn gaman að hafa engin plön.
Vera lengi á náttfötunum, lesa blöðin, fá heimsókn frá lítilli nágrannavinkonu, tattú, klipping, kúluspil og muffinsuppskrift skipt í þrjú brögð.Bind miklar vonir við þessar bleiku ef eitthvað er að marka deigbragðið.Ég hef nebblega óbilandi sjálfstraust í bakstri en akkúrat ekkert í matargerð.Þar held ég mig við súpur,grauta og egg í brauði...og já þetta er svona æsispennandi uppskriftablogg.

Úbbs!!!

Þegar ég sótti dótturina í skólann á föstudaginn mætti mér glottandi starfsmaður.
"Salka er rosalega dugleg að segja frá því sem gerist heima hjá sér"
"Jaaá" sagði ég og vissi ekki á hverju ég ætti von.."hún er frekar frásagnarglöð"
Konan hélt áfram hálfhlæjandi..."já hún sagði mér að alltaf þegar pabbi hennar skipti um föt þá syngji hann ég er með typpi,ég er með typpi"
Ég hitnaði í framan og sagði: "Ehh sko það er nú ekki satt" og til að reyna að bæta ástandið.."Hehe, um daginn sagði hún einmitt leikfimikennaranum að hún væri að hætta í skólanum, bara að taka smá pásu af því að við værum að fara að flytja"
Henni var greinilega frekar skemmt og hélt áfram: "Ég sagði henni að svona væri þetta bara..strákar væru með typpi en stelpur ekki".
"Hehe já einmitt" sagði ég og kvaddi.
Salka hafði verið uppi á meðan þessu stóð en þegar við komum út í bíl ákvað ég að spyrja hana út í þetta á léttum nótum...Salka kom af fjöllum og sagði: "Ha,nei ég sagði að alltaf þegar pabbi væri að skipta á Funa þá segði Funi þetta "...Starfsmaðurinn talar íslensku en aðeins bjagað svo það gæti útskýrt misskilninginn..skipta um föt, skipta á Funa bahahaha!
Ég flissaði alla leiðina heim.

Upp á punt

Fékk svo fallega tösku í afmælisgjöf frá mömmu minni (fyrir um 4 mánuðum).
Hún er þeim eiginleikum gædd að hún gerir allt svo sparilegt og puntar mann upp. Ef maður leggur hana svo frá sér..t.d í sófa, er hún eins og fínasta stáss.
Mamma mín saumaði út í rauða púðann en ég fann hinn á markaði. Ég veit,soldið með útsaum á heilanum en hann er bara svo fagur.
Held ég hefði samt ekki þolinmæði í svona sjálf..meira í því að njóta bara.