Frjálslegt fas

Síðastliðin ár hefur það gefist vel að andlitsmála heima fyrir 17. júní.
Misdramatískar óskir og útfærslan frjálsleg í stíl. Ég stakk samt ekki upp á svarta varablýantinum.
Engar biðraðir.

Konunglega...

Einn í uppáhaldshópnum og verðandi nágranni átti afmæli.
Við fögnuðum fram á kvöld og allir skemmtu sér konunglega sem endranær.

Sirkusdýr

Það var viðeigandi að apakötturinn sem kann best við sig á hvolfi fengi að fara á sirkusnámskeið fyrstu vikuna í sumarfríinu.

Spennandi...

Á nýjum stað í lífinu*

Kex

Kvöldstund á Kex í frábærum félagsskap.
Mæli heilshugar með þeim stað og mun koma aftur og skoða aðeins betur.
Á leiðinni heim var sólarlagið svo fagurt að ég óskaði þess aldrei þessu vant að lenda á rauðu ljósi en lenti á grænu alla leið.
Ég tók því myndir út um gluggann á ferð...til fyrirmyndar, ég veit.

Að sleppa takinu...

Á morgun hef ég ákveðið að selja u.þ.b. 40 kjóla og aðrar flíkur sem ég hef sankað að mér í genum tíðina.
Ég hélt að þessi dagur myndi aldrei renna upp því hingað til hef ég aðeins sankað að mér og aldrei tímt að losa mig við því ég á það til að bindast fötum og dauðum hlutum fáránlega persónulegum böndum. Nú er semsagt komið að því að sleppa takinu og ég held ég sé tilbúin svei mér þá!
Kíkið endilega við á Eiðistorgi á morgun á milli 11 0g 17 og gerið góð kaup á flíkum í öllum stærðum og gerðum*
Svo má ekki gleyma Pop Up markaði Lakkalakk systra á sama stað.

Íþróttameiðsli

Frænkufrábærlingar í næturgistingu og garður sem þurfti svo nauðsynlega yfirhalningu.
Ég bretti upp ermar og slóst við arfa, fífl, og rósir, klippti ,skar og snyrti fram á kvöld. Ég kann reyndar ótrúlega vel við garðvinnu og veitt fátt betra en að liggja í beði og finna ferska gróðurlyktina allt í kring. Og af því að ég er svo töff týpa í góðu formi ákvað ég að sinaskeiðabólga væri sennilega það sem næst kæmist íþróttameiðslum í mínu lífi og er með ProSport tegjubindi máli mínu til sönnunar.