Ofur frá morgni til kvölds

Í júní var góðvinkona var dressuð upp í sérsaumaðann ofurkonubúning í tilefni þess að hún ætlaði að breyta sér úr kærustu í eiginkonu í júlí.
Ofurkonan Harða tætti um á sportbíl, sveiflaði sér í trjám,hjálpaði börnum, kom við á ævintýraeyju, borðaði hamborgara, lyfti þungum hlutum, gaf spaðafimmur, fékk sér sushi og dansaði fram undir morgun...svona eins og ofurkonur gera.

Skuggalegt

Í kvöldsólinni í júlí mynduðu birkitrén og litlar hendur svo fína skugga á veggi.

Einhverju sinni...

Kvöldstund við sjóinn einhvern tímann í júlí.

Laumukonfekt

Ég var stödd í gleði í svo fallegri íbúð um daginn.
Laumaðist til að taka nokkrar myndir í ævintýralega fína barnaherberginu.
Ekki amalegt að sofa og leika innan um þessa fegurð og liti alla daga.

Vonandi...

Kveðjustund á leikskóla sonar sem byrjar á nýjum eftir sumarfrí.
Vona svo innilega að honum eigi eftir að líða eins vel á nýja staðnum.
Popp og sleikjó fyrir félagana ásamt rice krispieskökum en starfsfólkið dásamlega fékk jarðaberjaplöntur.
Eigum alltaf eftir að hugsa hlýlega til ljúflingana á gamla staðnum.

Ljúffengir litir

Stundum er matur svo fínn að maður tímir varla að borða hann....næstum því.

Stundin og staðurinn

Ég hef minnst á þessa fegurð áður en það er orðið allt of langt síðan.
Fór aftur einn fagran dag í júní og gleymdi stund og stað.
Þarna er einnig hægt að koma við með vinahópa og fá að máta föt og skoða gersemar út af fyrir sig í góðu glensi sagði mér konan góða sem afgreiddi í djásninu í litla Skerjó.

Búðin er opin á miðvikudögum og fimmtudögum frá 14-18 og laugardögum frá 14 -17.
Boutiqe Babilon á Facebook