Eldkrummaglimmerglans

Afmælisveisla eldfuglsins var haldin daginn eftir afmælið sjálft.
Við vorum búin að fara yfir allskyns hugmyndir af kökum en hann endaði með valkvíða og bað um að hún yrði óvænt. Ég fékk þá flugu í höfuðið að gera hrafnaköku og lét það eftir mér þó svo að ég væri pínu hrædd um að valda afmælisdrengnum vonbrigðum. Kakan var sumsé í hrafnslíki í stíl við afmælisbarnið og kertin voru í stíl við hitt nafnið...já,já*
Afmælisdrengurinn sætti sig fullkomlega við útfærsluna og þá sérstaklega þegar við bættum öllu blinginu við sem krummi hafði nappað. Mér virðist ómögulegt að vera minimalísk í skreytingum og langar það svo sem ekkert.
Ég er líka allt annað en minimalísk í dag ,með gips á hendi og glóðurauga eftir annars frábæran afmælisfögnuð. Stigar geta verið hættulegir með súpu í annari og glas í hinni... jafnvel hættulegri en risa sveðjan sem kakan var skorin með*

Geimsteinn

Á laugardaginn vaknaði einn fjölskyldumeðlimur loks 4 ára eftir langþráða bið.
Það er fátt skemmtilegra en afmælisvakningar...úfið hár, pakkar, góðgæti og einlæg gleði úr svefnbólgnum augum.
Þessi er sko gimsteinn sem kann að gleðjast og bræða mig í smjer.
Bestur.

Vinnustofan

Ég tók myndir á vinnustofu Bergþóru Guðnadóttur/ Farmers Market fyrir nokkrum mánuðum.
Auðvelt að gleyma sér í fegurðinni þar. Ótrúlega hlýlegt, fínt og kósý hjá henni.
Sjáið meira hér.

Sunnudagskjamms

Sunnudagsbröns með nokkrum uppáhalds.
Það er kannski ekkert svo góð hugmynd að taka nærmynd af svonalöguðu...eða jú annars, annað eins hefur nú skeð.

Veðurröfl

Ómótstæðilega fínt veður á föstudaginn (já nú er ég orðin eins og gamalmennin sem halda dagbók um veður) og ég stóðst ekki að sækja leikskóladrenginn fótgangandi og lengja leiðina um helming.
Ég vildi að það væri hljóð með myndunum svo að fuglasöngurinn kæmist til skila.

Útskorið grasker fyrir áhugasama.