Sama en samt ekki...

Ævintýralegi miðjudrengurinn átti 8 ára afmæli í nóvember. Í tilefni af því fannst mér við hæfi að útbúa indjánagjörning honum til heiðurs. Ég eiginlega krafðist þess af því að mig langaði svo að prófa að gera indjánatjald. Hann hefði verið ánægður með hvað sem var. Ég sá eftir þessari kröfu af minni hálfu þegar ég var að klessa kökunni saman kl. 2 um nótt. Það fór betur en á horfðist og ég hef lúmskt eða ekki svo lúmskt gaman af svona rugli.
Alltaf sama kakan í mismunandi búningi, líka hér, hér, hér og hér....

Nær...

Janúar er ennþá hér og þessar símamyndir eru einmitt teknar á öðrum degi ársins. Næstum því í rauntíma. Það var annars óendanlega fallegt veður þennan dag og ég komst varla úr sporunum því ég var svo upptekin við að reyna að fanga fegurðina. Það tekst aldrei alveg. Við vorum líka mjög upptekin af því að gefa kanínunum. Það tekst alltaf.

Spóla

Nú spólum við aðeins yfir janúar.

Páfugl úti í mýri

Símamyndir síðan í október. "Páfugl út í mýri" var mjög skemmtileg sýning í Norræna húsinu í haust.
Fátt sem á sér stað í rauntíma hér. Hver veit nema ég nái í skottið á mér einn daginn.

Óviðráðanlegt

Jökulsárlón í sumar á leiðinni frá Færeyjum. Póstkortaveður og við tókum einhverja hundruði mynda ásamt hinum túristunum. Það ræður enginn við sig í þessum aðstæðum.

Hækkandi

3 myndir sem minna mig á að dagurinn lengist...smátt og smátt.

Gleði um jól

Þessir æstu jólahoppusnúningar eru reyndar frá því í fyrra en það gildir einu.

Gleði um jól. Gleðileg jól.