Jólandi jólaandi

Smá af jólunum af því að það er alveg að koma nýtt ár.

Rangur misskilningur

Hreindýrahjörðin sem ég hélt að væri að finna í Húsdýragarðinum reyndist vera ein Regína.
Ég held því fram að ég hafi náð einstöku augnabliki með henni þegar við horfðumst djúpt í augu.
Hreindýrahvíslari kannski úr því að það eru engir höfrungar á Íslandi.

Loðið

Alein á göngu í Grasagarðinum og Húsdýragarðinum í byrjun desember,á afmælisdegi yngsta álfs sem komst loks á leikskóla. Ég nota árskortið vel og var í leit að efni í verkefni sem ég sýni jafnvel síðar. Mjög loðið alltsaman. Líka frískandi.
Það virðist hafa verið smá snjór í byrjun desember þó að ég hafi eiginlega verið búin að gleyma því.

Verði stuð

 Fyrsta dag desembermánaðar héldu skyrtuklæddir bræður tvöfallt fjölskyldupartý í tilefni afmæla þeirra í nóvember og desember. Tjúllað stuð sem það nú var.

Uppblásið punt og prjál

Ég dröslaðist með þennan appelsínugula uppblásna asna yfir hafið.
Ég dýrka allskonar skraut og grímur enda nafn yngsta barnsins dregið af þeim (nokkurn veginn án þess að hafa spurt Eið Guðnason).
Það eru annars engin takmörk fyrir því hvað svona kallar til að leika með í kalló geta verið frábærlega lúðalegir.Hárgreiðslan, dressin og allt heila klabbið kallar á myndaþátt.
Æsispennandi,ég veit!

Náttúrulega

Miðjubarnið hefur var hirðmódel hjá mér í haust.
Elsta tók það ekki í mál af því ég er svo lengi að taka mynd og yngsti er of óútreiknanlegur fyrir filmu.Það er sko enginn dans á rósum að vera módel og ævintýraferðirnar stóðu yfirleitt ekki undir væntingum ofurhugans.
Hann mun líklega þurfa að ræða þetta eitthvað í framtíðinni.

Framtíðin

Fyrsta bekkjarafmæli fyrsta sonar fór vel fram. Fyrirmyndar gestir sem fóru í leiki, dönsuðu og gáfu heimagerð kort frá hjartanu. Fyrirmyndarmannverur framtíðarinnar.

Mjá

Ekki bara sjálfsmyndir í skóginum. Líka einhverskonar innsetningar...ég verð að fara að stofna gjörningaklúbb undireins.

Alltaf

Afmælisbarn mánaðarins í skógarferð í haustinu.
6 ár síðan ég sá hann fyrst en mér finnst hann alltaf hafa verið til...ég hef sagt það áður en það er alveg satt.
Ómissandi.