Augnablik....

Sjálfbærni

2012-02-12T00:08:00.005Z

Krakkarnir redda sér mestmegnis sjálf á morgnanna...um helgar.
Fá sér að borða, búa til fleti og skemmta litla bróður sínum.
Já og sumir dunda sér við að hefta nýjan kjól á dúkkuna sína.
Heftarinn var fljótlegri en nálin. Man það næst.
Mjöööög gott.

Bara allt fínt...

2012-02-05T23:55:00.006Z

Góður matur og enn betri félagsskapur á fyrsta laugardegi febrúarmánaðar...ég er alveg hætt að grenja.
Það er ekki eins og ég borði með fætinum.

Velkomin sértu...

2012-02-02T15:41:00.003Z

Febrúar!
Þessar myndir voru teknar í janúar þegar ég húkti við gluggann og fylgdist með allskonar tegundum af veðri, aðallega snjó og komst ekki út og reyndi að hressa mig við með því að borða allskonar kökur og kaffi. Mér finnst möndlukaka fáránlega góð, möndludropar verða alltaf vinir gömlukonubragðlaukanna minna.
Nú er ég hætt að húka og býð febrúar hjartanlega velkominn með öllu glensinu sem honum fylgir.
Febrúar ég treysti á þig!

Api í búri...

2012-01-28T01:56:00.009Z

Eins og það er nú gaman að fara í dýragarð og skoða íbúa hans þá er líka eitthvað sorglegt við það.
Að dýrin hafi verið fönguð og sett í búr okkur til skemmtunar. Þessir apar búa í Barcelona og ég gat setið límd við búrið þeirra tímunum saman. Næst ætla ég að frelsa þá.
'Ég er að klikkast á því að vera í þessu gifsi og komast ekki út...eins og api í búri.
Drama, ég veit!

Dreki

2012-01-23T13:35:00.003Z

Ár drekans er runnið upp og mér finnst tilvalið að fagna því.
Á laugardaginn klæddu krakkarnir sig upp í kúng fú búninga eftir eigin höfði án þess að vita hvað það var viðeigandi.

Gott kvöld

2012-01-22T00:56:00.011Z

Það var kvöld eitt, einhvern tímann fyrir jól að ég tók með mér ískaldan bjór út í skúr og málaði pastellitaða trjágrein.
Þegar ég var á leiðinni inn aftur fann ég lokkandi kökuilm í loftinu og óskaði mér að ég ætti heima á sama stað og ilmurinn...heppnin var með mér.

Vandað

2012-01-19T23:14:00.003Z

Laugardagskvöld í vönduðum félagsskap fyrir ekki svo löngu.

Hangandi

2012-01-15T14:24:00.003Z

Áður en krakkarnir náðu að skreyta allar piparkökurnar í húsinu, nappaði ég nokkrum til eigin nota og hengdi þær allsberar út í glugga í forstofunni.
Þær hanga þar enn og seríurnar líka...kannski bara fram á sumar.

Brot

2012-01-12T15:37:00.009Z

Smá brot úr deginum...ökklabrot.
Ég hef legið með fótinn ofan á stafla af púðum lungað úr deginum og æfi mig á hækjunum þess á milli.
Gæti verið verra.

Frameftir öllu

2012-01-10T23:20:00.004Z

Næturgistingu á milli jóla og nýárs.
Frænkur+frændi skáru úr og skreyttu piparkökur í margar klukkustundir samfleytt og gleymdu næstum að fara að sofa.

Þurrt að kalla

2012-01-05T00:19:00.006Z

Tréð sem einu sinni var svo fjarska fínt er farið að minna óþægilega mikið á þurrskreytingu þessa dagana. Það ilmar samt vel og ég þrjóskast við að hafa jól í nokkra daga í viðbót.

2012

2012-01-01T23:58:00.008Z

Gleðilegt nýtt ár!
Megi það verða uppfullt af ævintýrum, ást og hamingju.
Takk fyrir að líta við***

Settlegt

2011-12-31T01:01:00.004Z

Jólaborðhaldið var mun æstara en þessar kyrralífsmyndir gefa til kynna og það voru líka hnífapör.

Perró

2011-12-30T00:20:00.006Z

Pakkapervertinn komst á stjá og gæti hugsanlega verið of náin einangrunarlímbandinu sínu eftir þessi jól...dúskarnir hafa í það minnsta fengið verðugan keppinaut.
Meira jólapakk hér og hér.

Halelúja

2011-12-21T20:45:00.003Z

Helgilegur leikur kom mér í hátíðarskap.

Húrra x 1 og 5!

2011-12-18T00:55:00.008Z

Daginn eftir 1.afmælisdag gússa litla var blásið til bræðraafmælis.
Í marga mánuði hafði herra Funheitur verið fullviss um hvernig afmælisköku hann dreymdi um. Það var þríhöfða fjólublár dreki sem spúði eldi...auðvitað! Ég varð fáránlega spennt og teiknaði upp mynd sem afmælisbarnið samþykkti. Á síðustu stundu fékk hann valkvíða og vildi hætta við kökuna og fá fjall í staðinn. Ég tók fjallinu fagnandi enda komin í blússandi tímaþröng með alltsaman.
Ég útiloka þó ekki eldspúandi fjólubláa þríhöfðann í framtíðinni...

Jólandi

2011-12-17T10:32:00.004Z

Laugardag einn þegar við nýttum okkur deig úr gulu og bláu búðinni og stungum út piparkökur úr ágætis safni af formum.

Róandi

2011-12-15T01:55:00.004Z

Hangandi pappi og hekl.
Snjókorn má til dæmis finna hér.

Skreytum...

2011-12-07T23:00:00.005Z

Allskonar dóti hrúgað á diska og bakka.
Finnst eins og það hafi gerst áður. Jólatréð var teipað á vegginn með einangrunarlímbandi sem er eiginlega besti vinur minn...líka hér.

Gluðandi

2011-12-02T22:25:00.005Z

Eitt sinn var ómissandi að fara í bæinn og sjá þegar fyrstu jólasveinunum var komið fyrir í gluggum Rammagerðarinnar.
Mér finnst ennþá gaman að skoða jólaglugga og finnst að þeir ættu að vera afhjúpaðir á aðventunni á dramatískan hátt. Í þetta skiptið gluðaði ég ein á gluggana í ísköldu skammdeginu og líkaði það vel.
Jólaglugg frá því í fyrra.

Föður, sonar og heilags anda

2011-11-30T23:38:00.004Z

Hátíðleg stund fyrsta sunnudag í aðventu.
Litli frændi fékk nafn og allt var hvítt og við hlustuðum á fallega tónlist og sumir fóru í sunnudagsskólann í fyrsta sinn og fengu Jesúmynd og allir borðuðu á sig gat og ég drakk 10 kaffibolla og var glöð.

Yljandi

2011-11-22T23:44:00.004Z

Yljandi föndurstund og kaka...

Ómissandi

2011-11-14T23:47:00.006Z

5 ár og nokkrir dagar síðan þetta magnþrungna,ofurhressa, símalandi, útúrsteikta eintak af mannveru kom í heiminn. Svei mér ef hann gerir heiminn ekki að aðeins betri stað.
Heppnin var með okkur, stórafmælið bar upp á sunnudegi og eins og afmælislög gera ráð fyrir þýðir það óskastund og afmælisbarnið ræður.

Pastelperri

2011-11-13T10:46:00.003Z

Fékk þetta sjúskaða borð sem ég vil eiginlega ekki vita hvað kom fyrir á 500 kr.
Pastelperrinn heimtaði yfirhalningu.

Frænkur + 1

2011-11-11T23:47:00.005Z

Einn vetrarfrísdag í október þegar við gengum í dalnum og uppfylltum ósk um skautaferð með frænkum.

Ókei þá....

2011-11-09T22:22:00.014Z

Bekkjarafmæli dóttur sló fyrra met var haldið 3 mánuðum síðar af ýmsum góðum og gildum ástæðum. Takmarkið var að ná því fyrir afmæli bróðurs og við rétt mörðum það... 2 dögum fyrr.
Kastalakakan var pöntuð í þriðja og síðasta sinn að sögn afmælisbarnsins því að nýjar bekkjarsystur máttu til með að sjá hana líka. Það var alveg ný upplifun að halda afmæli sumarbarns í skammdeginu en notarlegt engu að síður.
Fögnuðurinn var mun æstari en myndirnar bera vott um og innihélt meðal annars allskonar hressa leiki, uppistand í boði bekkjarsystra inni í stofu og úti á svölum og ekki eins kærkomið uppistand bróðurs alls staðar.
Afmæli ,viltu byrja með mér?

Allskonar og ýmislegt...

2011-11-05T00:49:00.006Z

*Laugardaginn 5.nóvember frá 11-17*(í dag) verð ég ásamt smekklegum dömum á Eiðistorgi að selja allskonar fínerí fyrir allskonar fólk.

Í formi

2011-11-04T10:54:00.004Z

Á formfögrum stað er vissara að klæðast rósum, doppum, litum og loði...til öryggis.

Stikl

2011-11-02T10:16:00.006Z

Fjöruferð með fríðu föruneyti einhverntíman í október.
Þegar ég var yngri fór ég oft í fjöruna með pabba mínum, stiklaði á stórum steinum og tíndi allskyns fjörugull Það var og er eitt af mínu uppáhalds að finna steina með ólík andlit og form og gleyma mér við að hlusta og skoða allt sem fjaran á.

Vetrarsól

2011-11-01T00:38:00.003Z

Vetrarsól gerir fína skugga.
Nú má líka færa klukkuna um að minnsta kosti klukkustund því morgunmyrkrið finnst mér ekki eins skemmtilegt.

Sunnudagsseiður

2011-10-28T00:02:00.005+01:00

Talnaglögg og seiðmögnuð góðvinkona fyllti fyrsta árið sitt um daginn og bauð til veislu í yndislegu umhverfi í sveitinni sinni.

Lakkafínt!

2011-10-14T00:11:00.006+01:00

Nú hefur vefverslunin Lakkalakk flutt lagerinn sinn á Skúlagötu 30 á 2. hæð, við hliðina á Kex hostel.
Systur héldu því innflutningsgill á nýja staðnum þar sem viðskiptavinum gefst tækifæri til að máta fagrar flíkur a.m.k. tvisvar í viku en oftar í kringum Airwaves.

Netagerðin

2011-10-08T01:47:00.011+01:00

Opnun Netagerðarinnar við Nýlendugötu 14, þar sem 7 flinkar konur eru með vinnustofu og verslun með fegurð og fíneríi sem þær skapa sjálfar.
Ég kem aftur.

Royal

2011-10-05T23:37:00.006+01:00

Þetta ljós var skilið eftir í íbúðinni þegar við fluttum inn. Það var glært og ég hugðist láta það hverfa en ákvað fyrst að prófa að spreyja það gult og máta í herbergi dóttur við mikinn fögnuð.
Afar royal.

Læri,læri...

2011-10-05T00:51:00.004+01:00

Stundum getur heimalærdómurinn verið kyrrðarstund...stundum.

Frísk

2011-09-28T00:27:00.003+01:00

Fölar eldhúsflísar fengu örlitla yfirhalningu með einangrunarlímbandi.

Miðvikudags

2011-09-25T15:48:00.004+01:00

Göngutúr og kaffið drukkið úti í brakandi fersku miðvikudagshausti.

Elsku...

2011-09-20T13:00:00.004+01:00

Í júlí fékk nýjasta vinkonan nafnið sitt við gullfallega athöfn í faðmi fjölskyldu og vina.
*Ást og ylur*

Haustlakk

2011-09-19T19:42:00.004+01:00

Allskonar kósý peysur og fínir toppar inni á Lakkalakk.

Módel: Liv Elísabet
Förðun: Erna Hrund með Maybelline og Loréal
Stílisering: Ása og Jóna Ottesen
Föt: Lakkalakk.com
Myndir: Ég

Meiri rjóma

2011-09-18T12:24:00.004+01:00

Með rjóma, jógúrt, hafragraut, heitri súkkulaðiköku,bökuð, hrærð og með aðeins meiri rjóma. Allskonar bláber alla daga, oft á dag.

Búmmbúmmsjakkalakkalakka...

2011-09-15T11:07:00.005+01:00

Tók myndir fyrir netverslun Lakkalakksystra.
Rjúkandi ný sending komin í hús og ótrúlega margt girnilegt í boði bæði vintage molar og nýtt.
Lítið á úrvalið hér.

Módel: Liv Elísabet
Förðun: Erna Hrund með Maybelline og Loréal
Stílisering: Ása og Jóna Ottesen
Föt: Lakkalakk.com
Myndir: Ég

Berjumst!

2011-09-10T01:04:00.004+01:00

Ég fór ekki í útilegu í sumar en lá í lynginu í september og andaði og innbyrgði allt það besta. Fyrsta helgi septembermánaðar fór í berjatínslu báða dagana.
Fyrri með börnum og seinni án, báðir með nesti og heitt kakó á brúsa, báðir með besta berjatínsluveðri sem hugsast getur.
Ég fyllist sjúklegum metnaði við berjatínslu og uppáhaldið mitt er þegar það hættir að sjást í botninn á ílátinu og næst á eftir þegar það fyllist.

Rétt svo...

2011-09-08T01:28:00.010+01:00

8 ára afmælisfögnuðinum var frestað svo oft að við rétt mörðum að hafa hann í réttum mánuði.
Kakan var gerð með glöðu geði eftir ósk afmælisbarnsins og ekki laust við að það myndaðist smá Miami þema sem ætti að vera í góðu lagi á meðan það er ekki CSI Miami.
Sonur sæll hefur þegar óskað eftir fjólubláum dreka með 3 höfuð fyrir sína veislu og ég tek þeirri áskorun... þangað til annað kemur í ljós.
Fleiri fuglakökur hér og hér*

Lakkalook

2011-09-06T00:07:00.011+01:00

Myndir og myndband tekið fyrir Lakkalakk þegar sumarið loksins kom, einn fagran dag í júlí.
Nú er annars fínasta útsala á sumarvörum til að rýma fyrir rjúkandi haustvörum frá New York og L.A...æsispennandi!
Einnig girnilegt myndband úr frægðarför Lakkalakksystra

Módel: Ída og Silja
Make up: Ásdís hjá MAC
Stílisering: Ása ottesen
Föt: Lakkalakk.com
Myndir: Ég

Júlíus

2011-09-01T00:20:00.004+01:00

Ég er ennþá í júlí...

Best!

2011-08-30T17:46:00.006+01:00

Einn fallegasti dagurinn í júlí.

Snap!

2011-08-25T01:42:00.005+01:00

Dag einn í ágúst þegar ég fékk mér kaffi og köku og horfði á skrattakoll nappa brauði af næsta borði og hlustaði á alla vini hans veltast um af hlátri og gefa spaðafimmur í loftinu.

Regnbogaglimmersólarsæla

2011-08-18T00:53:00.004+01:00

Á Regnbogadaginn.
Þegar veðrið var svo gott og allt og allir svo litríkir, glaðir og fallegir.

Afmælis.....

2011-08-15T02:04:00.007+01:00

Á miðvikudagsmorguninn var blásið til fyrsta í afmæli 8 ára álfs*
Afmælisvakning, afmælispakkar, afmælismorgunmatur,afmælisblöðrur...afmælis allt!
Að loknum afmælismorgni ræður afmælisbarnið deginum sínum sem endranær og nú varð ströndin fyrir valinu sem afmælisáfangastaður.
Gleði og glens frá morgni til kvölds.

Ofur frá morgni til kvölds

2011-08-07T19:18:00.004+01:00

Í júní var góðvinkona var dressuð upp í sérsaumaðann ofurkonubúning í tilefni þess að hún ætlaði að breyta sér úr kærustu í eiginkonu í júlí.
Ofurkonan Harða tætti um á sportbíl, sveiflaði sér í trjám,hjálpaði börnum, kom við á ævintýraeyju, borðaði hamborgara, lyfti þungum hlutum, gaf spaðafimmur, fékk sér sushi og dansaði fram undir morgun...svona eins og ofurkonur gera.

Skuggalegt

2011-08-02T11:26:00.005+01:00

Í kvöldsólinni í júlí mynduðu birkitrén og litlar hendur svo fína skugga á veggi.

Einhverju sinni...

2011-07-28T01:41:00.003+01:00

Kvöldstund við sjóinn einhvern tímann í júlí.

Laumukonfekt

2011-07-24T15:22:00.005+01:00

Ég var stödd í gleði í svo fallegri íbúð um daginn.
Laumaðist til að taka nokkrar myndir í ævintýralega fína barnaherberginu.
Ekki amalegt að sofa og leika innan um þessa fegurð og liti alla daga.

Vonandi...

2011-07-24T01:45:00.006+01:00

Kveðjustund á leikskóla sonar sem byrjar á nýjum eftir sumarfrí.
Vona svo innilega að honum eigi eftir að líða eins vel á nýja staðnum.
Popp og sleikjó fyrir félagana ásamt rice krispieskökum en starfsfólkið dásamlega fékk jarðaberjaplöntur.
Eigum alltaf eftir að hugsa hlýlega til ljúflingana á gamla staðnum.

Ljúffengir litir

2011-07-24T00:57:00.003+01:00

Stundum er matur svo fínn að maður tímir varla að borða hann....næstum því.

Stundin og staðurinn

2011-07-21T13:02:00.010+01:00

Ég hef minnst á þessa fegurð áður en það er orðið allt of langt síðan.
Fór aftur einn fagran dag í júní og gleymdi stund og stað.
Þarna er einnig hægt að koma við með vinahópa og fá að máta föt og skoða gersemar út af fyrir sig í góðu glensi sagði mér konan góða sem afgreiddi í djásninu í litla Skerjó.

Búðin er opin á miðvikudögum og fimmtudögum frá 14-18 og laugardögum frá 14 -17.
Boutiqe Babilon á Facebook

Síðasti í júní

2011-07-21T02:00:00.011+01:00

Aðeins til baka.
Síðasti dagur júnímánaðar var áreiðanlega besti dagur þess mánaðar.
Skínandi sól,gleði,hlýja og skutlur sem slógu óvænt öll met í vinsældum.

Að slá í gegn

2011-07-09T13:32:00.005+01:00

Garðveisla í júní. Þar var meðal annars grillbali fyrir krakka og aðra áhugasama þar sem í boði var að grilla sér sykurpúða og smápulsur. Það er ekki hægt að biðja um það fínna.

Sirkus, sjór og sleikjóar

2011-06-27T01:44:00.006+01:00

Seitjándi júní.
Við reyndum að uppfylla helstu óskir þann daginn. Þræddum bæinn þveran og endilangan í leit að sleikjósnuddu sem voru allar uppseldar nema með lakkrís. Sumir gerðu sér priksnuddu að góðu en aðrir fengu ljósasleikjó í staðinn. Ljósasjóið endaði reyndar brotið á gólfinu en við bræddum sykur og klístruðum honum saman aftur. Sleikjóar eru aldrei eins æsispennandi og akkúrat þennan daginn.

Frjálslegt fas

2011-06-24T00:52:00.010+01:00

Síðastliðin ár hefur það gefist vel að andlitsmála heima fyrir 17. júní.
Misdramatískar óskir og útfærslan frjálsleg í stíl. Ég stakk samt ekki upp á svarta varablýantinum.
Engar biðraðir.

Konunglega...

2011-06-20T00:48:00.008+01:00

Einn í uppáhaldshópnum og verðandi nágranni átti afmæli.
Við fögnuðum fram á kvöld og allir skemmtu sér konunglega sem endranær.

Sirkusdýr

2011-06-12T00:33:00.005+01:00

Það var viðeigandi að apakötturinn sem kann best við sig á hvolfi fengi að fara á sirkusnámskeið fyrstu vikuna í sumarfríinu.

Spennandi...

2011-06-11T00:48:00.003+01:00

Á nýjum stað í lífinu*

Kex

2011-06-08T17:27:00.011+01:00

Kvöldstund á Kex í frábærum félagsskap.
Mæli heilshugar með þeim stað og mun koma aftur og skoða aðeins betur.
Á leiðinni heim var sólarlagið svo fagurt að ég óskaði þess aldrei þessu vant að lenda á rauðu ljósi en lenti á grænu alla leið.
Ég tók því myndir út um gluggann á ferð...til fyrirmyndar, ég veit.

Að sleppa takinu...

2011-06-03T22:07:00.004+01:00

Á morgun hef ég ákveðið að selja u.þ.b. 40 kjóla og aðrar flíkur sem ég hef sankað að mér í genum tíðina.
Ég hélt að þessi dagur myndi aldrei renna upp því hingað til hef ég aðeins sankað að mér og aldrei tímt að losa mig við því ég á það til að bindast fötum og dauðum hlutum fáránlega persónulegum böndum. Nú er semsagt komið að því að sleppa takinu og ég held ég sé tilbúin svei mér þá!
Kíkið endilega við á Eiðistorgi á morgun á milli 11 0g 17 og gerið góð kaup á flíkum í öllum stærðum og gerðum*
Svo má ekki gleyma Pop Up markaði Lakkalakk systra á sama stað.

Íþróttameiðsli

2011-06-01T00:11:00.005+01:00

Frænkufrábærlingar í næturgistingu og garður sem þurfti svo nauðsynlega yfirhalningu.
Ég bretti upp ermar og slóst við arfa, fífl, og rósir, klippti ,skar og snyrti fram á kvöld. Ég kann reyndar ótrúlega vel við garðvinnu og veitt fátt betra en að liggja í beði og finna ferska gróðurlyktina allt í kring. Og af því að ég er svo töff týpa í góðu formi ákvað ég að sinaskeiðabólga væri sennilega það sem næst kæmist íþróttameiðslum í mínu lífi og er með ProSport tegjubindi máli mínu til sönnunar.

Gússí

2011-05-29T02:19:00.007+01:00

Ég verð alltaf pínu væmin á svipinn...ræð ekki við mig.

Lilla rokk!

2011-05-26T15:10:00.009+01:00

Nýjasta vinkona mín er frábær týpa með hanakamb og hjarta í eyrunum.
Hún lofar mjög svo góðu og ég hlakka til að kynnast henni betur*

Mikil ósköp...

2011-05-23T01:33:00.006+01:00

Og vanti yður sólgleraugu þá fáið þér þau t.d hér.

Lakkalakk

2011-05-20T17:45:00.007+01:00

Systurnar Ása og Jóna opnuðu vefverslunina Lakkalakk rétt í þessu.
Hér er smá sýnishorn úr myndatöku fyrir búðina.
Lítið endilega á allt fíneríið.
Líka á facebook ;)

Hár og förðun: Birna Íris Hlynsdóttir
Stílisering: Ása og Jóna Ottesen
Módel: Eydís Helena Evensen og Kolbrún Ýr Sturludóttir
Myndir: Ég

Feldberg

2011-05-14T00:55:00.003+01:00

Síðustu myndirnar úr Rósu seríunni og nú af Rósu og Einari saman.
Saman mynda þau Feldberg.
Fleiri myndir...hér, hér og hér.

Ljómandi

2011-05-11T01:00:00.004+01:00

Að borða sunnudagssushi úti á svölum er aldeilis ljómandi notalegt.
Ætla að borða úti við hvert tækifæri sem gefst og ekkert endilega súsí þrátt fyrir að það sé ávallt afbragð....ristað brauð getur líka verið ljómandi.

Vorboðinn

2011-05-09T23:07:00.012+01:00

Ég segi aldrei sumar fyrr en í júní.
Helgin var uppfull af vorlegri iðju í sumarlegu veðri.
Flóamarkaður þar sem ég fyllti óvart nokkra poka af góssi...aftur, bæjarferð,hjólagönguferð á ströndina, nesti, sólarvörn, Lóan, býflugurnar, brumið, og hlýjan. Vei fyrir vori!

Lyst á list

2011-05-09T18:24:00.008+01:00

Þorsteinn Joð komst í fyrirsögnina en við fórum á sýningu útskriftarnema í Listaháskólanum, laugardag nokkurn þegar snjóaði frá morgni til kvölds og nóttina líka.

Díva

2011-05-03T23:46:00.011+01:00

Á föstudaginn síðasta fór ég á sýningu á verkum 1. árs nema í fatahönnun í kúrsinum Illustration.
Unnið var útfrá hugtakinu DÍVA og hver og einn nemandi hafði útbúið sína útgáfu af dívunni í innsetningarverki.
Já og þetta var tveggja vikna kúrs sem er með ólíkindum miðað við afraksturinn.
Kennari var Hildur Björk Yeoman.

Aftur og aftur...

2011-05-03T00:35:00.007+01:00

Fæ ekki nóg af kaffistund með góðum mannverum.
Drengirnir sváfu yfir sig fyrir utan en stúlkan lék á alls oddi inni í hlýjunni.

Heimleið

2011-05-02T00:30:00.003+01:00

Margar myndir út um gluggan af veginum á leiðinni heim úr páskabústað.
Þegar veðrið skipti um stíl á 15 sekúndna fresti...

Diva de la Rosa

2011-04-29T00:33:00.008+01:00

Meira úr myndatöku með Rósu.
Úti á svölum í síðustu sólargeislunum dagsins..mmm sól og á marókósku rúmteppi... mmm litir.

Make up: Kristín með No name
Kjóll: KronKron
Hálsskraut: Hildur Yeoman
Myndir: Ég

8 og 8

2011-04-27T01:49:00.005+01:00

Páskalegur sumarbústaður með 8 fullorðnum og 8 börnum.
Spil,hangs,matur,drykkir, hárgreiðslur, súkkulaði, rjómi, kaffi, færeyskt eggjarúll, ratleikur, nammi, meiri matur og aðeins meira kaffi=mjög gott.

Hattífattar

2011-04-26T01:54:00.004+01:00

Húllumhæ á Sumardaginn fyrsta.
Sonur sæll fann eitthvað sem minnti á fallega hatta í íþróttahúsinu og sprangaði stoltur um með 3 á höfðinu. Ég veit ekki betur, íþróttamaðurinn sem ég er. Ég dáðist að því hve fljótt hann náði að sannfæra viðstaddar leikskólavinkonur um ágæti þessara "hatta". Hetjan mín.

Gleðjist gumar...

2011-04-22T00:31:00.011+01:00

Gleðilegt sumar!
Kærar þakkir fyrir þetta hressilega veður í dag. Án þess hefði ég ekki orðið eins og hundur á sundi í illa lyktandi pels, þurft að hlaupa á eftir skrúðgöngunni sem fór á undan af því að mér var svo kalt og ákvað að það væri góð hugmynd að næla sér í kaffi og kakó en kona góð fór fram fyrir mig og fékk sér 4 bolla í kaffi sjálfsalanum og ég hefði ekki unnið upp svona sérdeilis góða matarlyst fyrir nýbakaðar pönnukökur og kakó með rjóma þegar við fukum heim úr húllumhæinu. Hvern langar svo sem í límonaði? Ekki mig!
Yngsta barnið ræður engu og er óspart notað í upplífgandi glens, t.d. fyrir þá sem tapa (fá silfur) í leiknum "bannað að koma við gólf á meðan þú borðar matinn þinn"

Hér og hér er páskafínt frá því í fyrra*

Rósótt...annar hluti

2011-04-18T13:36:00.007+01:00

Meira fínerí úr Rósulandi.

De la Rosa fyrsti hluti...

2011-04-16T22:55:00.004+01:00

Smá fótósjút með Rósu í Feldberg en hún býr í svo fáránlega girnilegu umhverfi að ég mátti til með að smella aðeins á bak við tjöldin...meira síðar.

Marsipan fyrir 60 manns...

2011-04-14T00:48:00.006+01:00

Fermingarlegt prjál í pastellitum...ég ræð ekki við mig.

Síííís!

2011-04-12T00:41:00.008+01:00

Vinalegt föstudagskvöld.

Hópferð

2011-04-05T13:41:00.004+01:00

Hópferð í bæinn á sunnudegi.

Eins og skot!

2011-04-03T23:12:00.005+01:00

Þessi hefur skoðað heiminn í 4 mánuði*

Allt að koma...

2011-04-02T00:27:00.003+01:00

Nei sko hvað ég fann úti í garði...apríl!

Mjög svo

2011-03-29T23:48:00.009+01:00

Laugardagsspók í vorveðrinu, kaffi, marsipan, fínir gluggar, hamborgarar, tónleikar með skemmtilegustu hljómsveit heims, vinir, allskonar fólk, bjórmiðar,ristað brauð, kókómjólk og meira marsipan.
Mjög svo gott og gaman.

Smá...

2011-03-29T23:24:00.005+01:00

Smá gill á föstudagskvöldi með ljúflingum.

Til fyrirmyndar

2011-03-24T13:18:00.009Z

Prófaði Laundromat ásamt góðvinum um daginn og það lofar mjög svo góðu.
Ég kem aftur, jafnvel aftur og aftur.

Fóðurhornið

2011-03-22T23:49:00.008Z

Ég rakst á uppskrift að einhverju sem lítur út eins og lúxusfuglafóður, nema fyrir menn og mátti til með að prófa að hræra í svona fínar frækökur. Þær smakkast mjög vel þó mér finnist pínu skinkumegrunarlegt að vera kommenta á eina og hálfa matskeið af smjöri í uppskriftinni...ég fæ mér svoleiðis á brauð. Ég bætti svo við trönuberjum því mér finnst þau góð og falleg.
Þessi fjólubláa möndlumjólk er líka ótrúlega ljúffeng og maður breytist í fjólubláan Ben 10 kall ef maður drekkur hana.
Ókei bæ*

Barabingbarabúmm!

2011-03-19T23:16:00.010Z

Alveg frá því að Salka fór í afmæli í Keiluhöllinni hefur hana dreymt um að fara aftur.
Í dag rættist sá draumur og við fórum ásamt fríðu föruneyti í keilu í fyrsta skipti síðan ég var unglingur og handskrifaði stigin. Það var skemmtilegra en mig minnti þó ég hafi lent í lang síðasta sæti.

Graff og gluggagluð

2011-03-16T23:14:00.008Z

Á stefnumóti mínu við nokkra góðvini komum við auga á svo fallegt prjónagraff sem ég mátti til með að mynda í bland við fína glugga.

Loksins

2011-03-14T23:05:00.004Z

Kláraði loks peysuna sem ég byrjaði á fyrir örugglega ári síðan fyrir litla frænku.
Fyrsta skipti sem ég hekla peysu. Setti tölurnar á korteri áður en ég gaf hana og rétt mundi að taka myndir. Hérna gerist helst ekkert nema á síðustu stundu.

Tímunum saman....

2011-03-13T22:04:00.004Z

Föstudag nokkurn fyrir nokkru*

Goth og vöðvar

2011-03-10T01:40:00.022Z

Allt eftir pöntun á þessum öskudegi.
Dóttir vildi vera norn og ég gerði mitt besta við að uppfylla þá ósk. Hún lifði sig einstaklega vel inn í hryllingsnornabarnið og passaði sig að halda sér í karakter á flestum myndum...ég þyrfti kannski að redda skósíðum leðurfrakka?
Ég var búin að stinga upp á ófáum búningum við drenginn þegar hann spurði sakleysislega hvort hann mætti ekki vera neitt sem hann langaði. Jú auðvitað og hvað er það? Spidermonkey! Já ókei þá.
Það er ýkt gaman að sauma vöðva á stökkbreyttan kóngulóarapa!

Rjómabollubúgí

2011-03-07T22:08:00.011Z

Á sunnudegi fyrir bolludag er ávallt tekið forskot á bollusæluna og hann fer að mestu í bakstur og bollukjamms.
Ég er fáránlega mikill bolluaðdáandi, fyllist metnaði á þessum árstíma og finnst skylda að borða eins mikið af bollum og ég get í mig látið.
Krakkarnir fengu að setja á sínar eigin bollur og ég er ekki frá því að sonur sæll hafi verið spenntari fyrir bolluumstanginu heldur en jólunum og afmælinu sínu til samans...næstum því.
Og hvað eru margar bollur í því?

Litasamsetningainnblástur

2011-03-06T18:24:00.007Z

Fann þessar myndir sem ég tók af sokkum í Kisunni og KronKron í maí á síðasta ári og hugsaði enn og aftur hvað litir eru góðir vinir mínir.

Te fyrir tvo

2011-03-04T23:43:00.007Z

Þegar sonur minn og bróðurdóttir hittast þá leika þau sér svo fagurlega að það er unun á að hlýða og horfa. Draumar um köngulóaapa og herofactory kalla víkja samstundis fyrir fallegum teboðum, veitingahúsaplönum að ógleymdum Mjallhvítarleiknum góða sem er orðinn ómissandi partur af lífi þeirra beggja.